Бүгін Орал қаласында «Қазақстанның үздік тауары» өңірлік көрме-конкурсы өткен болатын. Көрмеге Қаратөбе ауданынан қатысқан «ДЕМ» минералды сусын шығаратын цех иесі Сержан Ашығалиев «Үздік азық-түлік тауарлары» аталымы бойынша ІІ дәрежелі дипломмен марапатталды.
«Атамекен» ҚР Ұлттық кәсіпкерлер палатасының өңірлік бөлімі ұйымдастырған көрмеге қатысушы қаратөбелік кәсіпкер Сержан Ашығалиевті облыс әкімі Алтай Көлгінов марапаттап кәсібіне табыс тіледі,- дейді БҚО кәсіпкерлер палатасының Қаратөбе ауданындағы филиалының директоры Рысты Тойшыбаева.
Серікбай ХАСАНОВ
Қаратөбе ауданы