Ақжайық ауданының орталығы – Чапаевта түнгі жарықтандыру шамдары бар заманауи бағаналар көбеюде. Айталық, бүгінде Меңдәлиев атындағы көше бойында 1000 метр, Исаев атындағы көшеде 700 метр ұзындықта сондай бағаналар орнатуды Оралдан «Қалдығайты» ЖШС-нің жұмысшы-қызметкерлері атқаруда. Аталған учаскелерді жарықтандыруға жергілікті бюджеттен 11 миллионнан астам теңге бөлінген.
Сонымен қатар аталған серіктестіктің жұмысшы-қызметкерлері Чапаевтың оңтүстік-батысында 35 гектар аумақты алып жатқан ертеңгі жаңа тұрғын үйлер салынатын жерлерді жарықтандырудың қам-қарекетіне кірісті.
Бекем БЕКҰЛЫ
Ақжайық ауданы
