Облыс əкімі Алтай Көлгінов Ақсай қаласында салынып жатқан балабақша құрылысымен танысты. Бас мердігер "УральскСтройИнвест" ЖШС-нің директоры Алексей Безьяновпен сөйлесіп, маусым айында басталған жұмыстың мəн-жайымен қанық болды.
- Бүгін Бөрлі ауданындағы бірнеше əлеуметтік нысан мен инфрақұрылымды араладым. Мəселен, Бөрлі ауылында жаңа балабақша Астана күнінде пайдалануға берілмек. Ақсай қаласында бөбекжайдың құрылысы басталды. Сондай-ақ Аралтал ауылында салынып жатқан 100 қоныс, Ақсайда бой көтеретін көп қабатты үйлер Березов пен Бестау ауылдары тұрғындарының баспана мəселесін шешеді. Сондай-ақ жергілікті тұрғындар сұранысына орай биыл 38 шақырым Бөрлі-Ақсай жолы күрделі жөнделеді. Бұған қатысты мəселердің шешімін табуға ҚР Энергетика министрлігі қолдау көрсетті жəне "ҚПО б.в." компаниясының құрылтайшылары - бірнеше шетелдік компаниямен келіссөз жүргіздік. Міне, жұмыстың басталғанына бір жұма болды. Қазір айналма жол салынуда. Жолды жөндеу қарама-қарсы бағытта екі жақтан жүргізіледі. Күзге дейін жол сапасы жақсарады. Жалпы Ақсай ауданындағы құрылыс жұмыстарына Орал қаласының тұрғындары мен бөрліліктер тартылуда. Барлық құрылыс уақытында аяқталады, - деді облыс əкімі.
Атап өтерлігі, "ҚПО б.в." компаниясы бүгінге дейін 6 əлеуметтік нысан құрылысына 7,6 млрд. теңге бөлінген.
www.zhaikpress.kz
Нұртай Текебаев