«Азаматтарға арналған үкімет» мемлекеттік корпорациясында мемлекеттік қызметтерді алу үшін фронт-офистерді жаңғырту жұмыстары жүруде. Әрбір кеңседе корпорация арқылы көрсетілетін мемлекеттік қызметтердің бірыңғай ақпараттық базасы, кедергісіз қызмет көрсету, электрондық кезек енгізіліп отыр. Сондай-ақ нақты жұмыс режимінде мемлекеттік қызмет көрсету процесін бақылауға болатын ахуалдық орталық енгізілген. Бөлімдердің көпшілігі сағат 9.00-ден 20.00-ге дейінгі жұмыс кестесіне көшкен.
Бүгінгі таңда мемлекеттік корпорацияда жаңғырту жұмыстарының екі кезеңі аяқталып, нәтижесінде аудандық және ауылдық маңыздағы елді мекендер 120 бірыңғай фронт-офистермен қамтамасыз етілген. Енді азаматтар мемлекеттік корпорация көрсететін барлық қызмет түрлерін бір жерден ала алады.
Офистерді оңтайландыру азаматтардың қызметтерді бір жерден алуына мүмкіндік бермек.
www.zhaikpress.kz
Ерболат РАЙСОВ
Қаратөбе ауданы