Бөкей ордасы аудандық мүлікті жариялау комиссиясына жалпы құны 21680,0 мың теңге құрайтын 6 өтінім келіп түсті. Акция қағидасы талаптарына сәйкес келмеуіне байланысты 680,0 мың теңгенің 2 өтінімі кері қайтарылса, 21 млн. теңге тұратын 1 жеке дүкен мен 3 тұрғын үй жариялауға жатқызылды.
Биылдың өзінде аудандық мүлікті жария ету комиссиясына кеңес-түсінік алуға 5 азамат жүгінді.
Мүлікті жария етуге байланысты рақымшылық жасау тақырыбына аудандық аурухана мен демалыс орталығының электронды жүгіртпе жолдарынан да ақпараттар берілуде.
Аудан әкімдігінің сайтына бұрын орналастырылған аудандық комиссияның құрамы, орналасқан жері және жұмыс регламенті туралы ақпараттар жаңартылды.
Р.АППАҚОВА
