Батыс Қазақстан облысының әкімі Алтай Көлгінов Олимпиада чемпионы Данияр Елеусіновті жеңісімен құттықтады.
Құттықтау жеделхатта "Сізді Олимпиялық ойындарының алтын медалін жеңіп алуыңызбен шын жүректен құттықтаймын!
Сіздің бүгінгі табысты жеңісіңіз – Қазақстанның, өзіңіз туып-өскен өңірдің спорттағы беделін биіктете түсті. Байрақты бәсекеде бас бәйгені жеңіп алуыңыз – ел-жұртыңыз үшін үлкен әсер болса, кейінгі өскелең жас ұрпақ үшін үлгі-өнеге болмақ.
Алдағы уақытта дүбірлі додаларда биік белестер мен асқаралы асуларды бағындыруыңызға тілектеспін" делінген.