Бүгін облыс əкімі Алтай Көлгінов Бөрлі ауылында жаңадан салынған "Ақсұңқар" балабақшасында болды. Құрылысы биыл аяқталған бұл нысан жақында пайдалануға беріледі. Яғни, Астана күнінде бөбекжай есігі кішкентай тұрғындарға айқара ашылмақ.
- 140 баланы қабылдаймыз. Оларды 6 топқа бөлеміз. Қазір ауылда мектеп жасына дейінгі 254 бала бар. Ал бұрыннан қызмет ететін "Арман" балабақшасында 50 бөбек тəрбиеленуде, - деді "Ақсұңқар" балабақшасының меңгерушісі Жазира Бектаева.
Жаңа нысанда 44 бос жұмыс орны бар екен. Облыс əкімі жұмысқа жергілікті мамандарды қамту қажеттігін айтып, аудан əкімі Алдияр Халеловке құрылыс жобасында жылыту жүйесі ескерілмей қалған бір бөлмеге газ құбырын тарту жұмысын қолға алуды тапсырды.
Айта кетейік, балабақшаны салуға ҚПО б.в. компаниясы 484 млн. теңге бөлген. Бас мердігер - "Назтур" ЖШС.
www.zhaikpress.kz
Нұртай Текебаев