Ағымдағы жылдың 6 шілде күні сағат 20.00-де Қ.Мырзалиев атындағы мәдениет және өнер орталығының амфитеатрында қазақ елі Тәуелсіздігінің көк Туы желбіреген, ақ самалы ескен есілдің жағасында бой көтерген елордамыз- Астана күні мерекесіне орай концерт өтеді.
Концертте Батыс Қазақстан облысы әкімінің эстрадалық-симфониялық оркестрі, оркестрдің бас дирижеры ҚР мәдениет қызметкері, Қазақстан композиторлар одағының мүшесі Александр Шевелев,дирижеры Халықаралық, Республикалық конкурстардың лауреаты Мәдениет Меңдығалиев,«Назерке» би ансамблі,ансамбль жетекшілері Ақмарал Тасболатова, Мирзада Сүндетқалиева, «Ақжайық» би ансамблі, жетекшісі Әсел Дәулетова,«Қызғалдақтар» би ансамблі, «Ерен еңбегі үшін» медалінің иегерлері - Мұрат Әмірханов, Жаңылсын Хасанова, «Ерен еңбегі үшін» медалінің иегері, ҚР мәдениет саласының үздігі – Жаскелең Ғайсағалиев, «Мәдениет саласының үздігі» төс белгісінің иегері - Майра Хайдарова, Марат Сарбөпеев, Ақмарал Ахметова, Дария Бақытова, Еркін Өтегенов тағы басқа әншілер өнер көрсетеді.
