Ауа райын болжаушылар 21 шілде күні Батыс Қазақстан облысы өңірінде қатты жел болып, оның жылдамдығы 20 - 22 метр секундқа жететінін хабарлаған болатын. Бұңдайда төтенше жағдайлар болса, залалы аумақты болары сөзсіз.
Қатер айтып келмейді, - дегендей 21 шілде күні сағат 15:00 де Қазталов ауылының Ұлықпанов көшесіндегі № 1 - інші үйдің ауласына жинап қойған шөбі өртенді. Алаулаған жалынның "тілі сумаңдап" № 5 үйдің қорасына жетті.
Дер кезінде келіп жеткен аудандық өрт сөндірушілер мен төтенше жағдайлардың техникасы және көршілердің көмегімен «Қызыл әтеш» құрықталды.
Өрт себебі анықталуда.
Гүлфия Көшбаева
Қазталов ауданы
