Ұлыстың ұлы күніне арналып Ақжайық аудандық кітапханасында «Қазағымның салт-дәстүрлері-ай» сазды фольклорлық апталық өтуде. Оған «Радуга» славян мәдени орталығының мүшелері, ақсақалдар мен әжелер, жастар, мектеп оқушылары керемет көңіл-хошта қатысуда. Кеше апталық меймандарына балалар шығармашылығы орталығы мен саз мектебінің оқушылары өз қолдарымен жасаған сыйлықтарын табыс етті. Кезекті бір сағат қазақ пен орыс халқының салт-дәстүрлеріне, мақал-мәтелдеріне, халық әндеріне арналды.
Кітапхананың мүмкіндігі шектеулілерге арналған «Нұр» отауында да осындай жандардың шақырылуымен мазмұнды шаралар ұйымдастырылуда. Мұнда мәдениет саласының ардагерлері ежелгі де ескірмейтін ән-саз орындауымен көпшілікті тәнті етті.
Болат ҚОСЖАНҰЛЫ
Ақжайық ауданы