Бүгін Ақжайық ауданының орталығы – Чапаевтағы ҰБТ тапсыру пунктінде 251 түлек үшін (орта мектептерді барлық бітіруші – 356) сынақ өтуде. Тестілеуге түлектері түгел қатысып жатқан білім ұялары: М.Әуезов атындағы (24), Тайпақ мектеп-гимназиясы (15), Абай атындағы мектеп-гимназия (21), Бітік орта мектебі (12) болып табылады. Ұл-қыздар ҰБТ-ға кірер алдында оларды аудан әкімі Нариман Төреғалиев құттықтап, сынақты сәтті тапсыруларына, өмірде игі мақсаттары орындалуына тілегін арнады.
Түлектердің арасынан 9-ы алтын белгіге, 5-і үздік аттестатқа үміткер болып табылады.
Бекем БЕКҰЛЫ
Ақжайық ауданы
