Ауданымызда атақты қолбасшы, баһадүр Бөкенбай туралы тарихи деректі фильм түсірілді. Аққұмда киіз үйлер тігіліп, батырдың балалық шағы, Қарақұмдағы жиын, жекпе-жектері суреттеліп, көрсетілді.
Барлық ауданымыздың мекеме, кәсіпорындары осы шараға белсене ат салысты. Қазақ хандығының 550 жылдығы қарсаңында түсірілген туынды өңделіп, қалың көрерменге ұсынылатын болады.
Фильмді облыстық «Қазақстан-Орал» телеарнасы түсірді. Ақберен батырымыз туралы фильмның режиссері - Мұнайдар Балмолда. Басты рөлді сомдаған жергілікті мәдениет қызметкері Берік Темірғалиев.
Рухы биік бабамыздың атын мәңгілік ұлықтауға арналған деректі фильм көпшіліктің көңілінен шығатынына сенім мол.
Адақ Танабайұлы
Шыңғырлау ауданы
