Сырым ауданы әкімінің орынбасары Төлеген Төреғалиев ауданда бағаны тұрақтандыру мақсатында кәсіпкерлермен кездесті.
– Күн сайын 12 ауылдық округтегі халықтың негізгі тұтынатын тауарларының бағалары үнемі бақылауда болады. Халықтың қалтасына тиімді болу үшін өз ішімізде бағаны себепсіз өсіруге жол бермейік. Дүкендердегі тауарларда бағалары арнайы жапсырмамен анық көрсетіліп тұруы тиіс. Нан бағасын өсірмеу – ең бірінші мақсат,- деді Т.Төреғалиев.
Кәсіпкерлер бағаны негізсіз өсірмеуге мүдделі екендіктерін білдірді.
Шынар МОЛДАНИЯЗОВА
