«Нұр Отан» партиясы Қазталов аудандық филиалының мәжіліс залында «Жұмыспен қамту- 2020 жол картасы» бағдарламасының негізгі ережелері және оны жүзеге асыру жолдарын талқылау мақсатында семинар өтті.
Семинарға «Батыс Қазақстан ғылыми-зерттеу институты» мекемесінің директоры, ғылым кандидаты, доцент Үмбетқали Жаңабеков, ғылыми-зерттеу институтының бас әдіскері Амангелді Әміров, аталмыш институттың бас маманы, магистр Дәурен Кемешев және барлық ауылдық округ әкімдері қатысты.
Шарада сөз алған «Батыс Қазақстан ғылыми-зерттеу институтының» директоры Үмбетқали Жаңабеков бағдарламаның негізгі ережелерін және оның жүзеге асу жолдарына тоқталып, бағдарламаның бірінші кезекте жұмысқа орналасуға, жеке жұмысты ұйымдастыруға тигізетін әсері жөнінде түсіндіріп өтті.
Сондай-ақ семинарда магистр Дәурен Кемешев бағдарламаның ауылдық жерлерде жүзеге асырылуының тәжірибелік қырлары бойынша сөз өрбітті.
Семинар соңында арнайы тренинг өткізіліп, «Жұмыспен қамту- 2020 жол картасы» бағдарламасының негізгі ережелері және оны жүзеге асыру тетіктері бойынша тестілеумен қорытындыланды.
Әсем ХАЛИУЛЛИНА
Қазталов ауданы
