Биыл Березов ауылының тұрғындары Бөрлі ауданы Аралтал ауылына көшіру үшін құрылыс жұмыстары басталған. Баспана салуды биыл мамыр айынан бастап "Марасант" жəне "Строительная инициатива" ЖШС-тері қолға алған.
Алғашқысы 3 бөлмелі 50, екінші серіктестік 4 бөлмелі 50 пəтер салуда. "ҚПО б.в." компаниясы құрылысқа 2 млрд. теңге қаржы бөлген. Баспана салуға жергілікті құрылыс материалдары пайдаланылуда. Екі серіктестік қарауында 200-ден астам жұмысшы бар.
Облыс басшысы, сонымен қатар, Ақсай қаласында салынып жатқан 153 пəтерлі 9 қабатты 2 үйдің құрылысы жүргізіліп жатқан аумаққа барды.
"Азиятехстрой" ЖШС қызметкерлері өздерінің міндетіне алған ғимараттың іргетасын құюға əзірлік жүргізіп жатыр. Серіктестік директоры Армат Əлімбетов қазір 45 адам жұмысқа орналасқанын жеткізді.
Облыс əкімі Алтай Көлгінов "Фирма АТК" ЖШС-нің бас директоры Жəнібек Нұғымановқа екінші көп қабатты үйдің құрылыс жұмысын кешеуілдетіп жатқанына сын айтып, нысанның белгіленген мерзімде тапсырылуы жергілікті атқарушы орган тарапынан қадағаланатынын жеткізді. Бұл үйлерге Бөрлі ауданындағы Березов ауылы жəне Ақсай қаласының іргесіндегі Бестау ауылдарының тұрғындары қоныстанады.
www.zhaikpress.kz
Нұртай Текебаев