Орал қалалық «Жедел жәрдем» стансасының директоры Сергей Бекежановтың айтуынша, үстіміздегі жылы 375 жол апатынан 525 адам жарақат алған.
Жаяу жүргіншілер жолағында 121 адамды басып кету оқиғасы орын алған. Апаттың 37-сі мас күйінде жасалған, 45 бала зардап шеккен. «Жедел жәрдем» көмегі келгенше 9 адам өмірмен қоштасқан. Жол апаты әсіресе, қаңтар мен шілде айында көп болыпты. Балалардың жол-көлік апатына түсуі мамыр- шілде айларында жиілеген. Бұл оқушылардың жазғы демалысқа шығып, көшеде емін-еркін жүруіне байланысты болып отырғанға ұқсайды.
- Жалпы, «Жедел жәрдем» қызметінің дәрігерлеріне шақыртушылар, яғни науқастар тарапынан дөрекілік таныту фактілері тіркеліп отыр,- деді Сергей Мәдиұлы.- Бұл өте қынжыларлық жағдай. Жақында ұстамалы диагнозына шақыртумен үйге барған дәрігерге пациент қол көтеріп, оның көзін жарақаттады. Дәрігер бүгінде ауруханада емделіп жатыр. Тұрғындардың өкпе-реніші науқасты «Жедел жәрдем» ауруханаға әкетпейді дегенге сайып жатады. Ауруханаға жедел салатын ауруға жатпаса да, алып кетуді талап ететіндер көп.
Ұлдай САРИЕВА
«Орал өңірі»