Ақжайық ауданы мектептері бойынша оқу жылын 6400 шәкірт аяқтады. Мұның ішінде орта мектеп түлектері – 349, олардың 268-і маусымның басындағы ҰБТ-ға қатысады.
Мектеп бітірушілердің алдағы сыныптан сүрінбей өтуіне жанашырлар, қамқоршылар әрине, аз емес. Айталық, Ақсуат ауылындағы орта мектептің 1986 жылғы түлегі, облыстық білім басқармасының білім басшысы Светлана Темірғалиева ауданның 30 түлегіне онлайн тестілеуден ақылы өту арқылы өз білімдерін тексеруге қатысуына жеке қаражаты есебінен демеушілік жасады.
Болат ҚОСЖАНҰЛЫ
Ақжайық ауданы
