Қарашаның 15 күні сағат бестер шамасында «Бөгет» жедел-алдын алу іс-шарасын өткізу кезінде Бөкей ордасы АІІБ кезекші бөліміне Сайхын ауылының оңтүстік-шығыс бағытында снарядқа ұқсас заттың табылғаны туралы хабар келіп түседі. Бұл жарылғыш затты сол ауылдың тұрғыны жайылыстан малын іздеп жүрген кезінде тапқан. Тексеру барысында жарылғыш заттың диаметрі - 70 мм, ұзындығы – 40см, құйрығында ұзындығы 5см қанаты бар авиациялық снаряд екені анықталды.
Снаряд қоршауға алынды, енді арнайы мамандардың қатысуымен барлық қауіпсіздік шараларын қолдана отырып жойылатын болады.
www.zhaikpress.kz
