Бөкей ордасы ауданы аумағындағы «Қысқы кезең жағдайында төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдары мен күштерін даярлау» тақырыбында командалық штабтың оқу-жаттығуы оздырылуда. Екі күнге жоспарланған шаралар жоспарына сай алғашқы күні комиссия отырысы өтіп, ізін суытпай шұғыл әрекет ету жасағының әзірлігі тексерілді. Оған аудан орталығындағы барлық қызметтер құрал-жабдықтарымен келіп, олардың пайдаланылуы хақында штаб басшысы, аудан әкімінің орынбасары Рүстем Зұлқашевқа баяндады. Әрі өздеріне жүктелген міндеттері жөнінде де біраз мағлұмат берді.
Сонымен қатар Сайқын-Жаңақала күре жолында ауа райының қолайсызыдығынан жолдан тайып кеткен білім бөлімі мекемесінің балалар тиелген автокөлігін құтқару жұмыстарына қатысты. Оқу-жаттығу шараларына МАЙ қызметкерлерімен қатар ауыл әкімшілігінен трактор, аудандық ауруханадан жедел жәрдем жетіп, тиісті көмек көрсетті.
Р.БАҚЫТОВА