Қарашаның 23-і мен 27-сі аралығында облыс көлемінде «Жөнелтпе» атты жедел іс-шарасы өткізілген болатын.
Бұл іс-шараның мақсаты – есірткі затының, оны қолданушылар мен тасымалдаушылардың жолын кесу, алдын алу болып табылады.
- Осы іс-шара кезінде Жәнібек ауылы, Чурин көшесінің тұрғыны А.-ның қорасына марихуана жасырып қойғаны жөнінде хабар түсті. Көрсетілген мекенжайға барып, тексеру жүргізу барысында пакетке оралған күйінде жасыл түсті, жабайы сораға ұқсас зат табылып, сараптамаға жолданды. - дейді Жәнібек аудандық ішкі істер бөлімі криминалдық полиция бөлімінің жедел уәкілі, полиция аға лейтенанты М. Бапахов.
Қазіргі уақытта тергеу амалдары жүргізілуде.
Асқар ҚҰСАЙЫНОВ
Жәнібек ауданы