Зеленов жеріне атақты каратэ шебері Сигиоша сенсейдің көмекшісі Кейтцуки Минова келді. Кейтцуки ұстаз Қасым Аманжолов атындағы мектеп спортзалында аудан кратэшілеріне тек әскери өнердің қыр-сырын ғана емес жапон тілі мен оргигами және каллиграфия өнерін үйретті. Бірнеше күн бойына сабақ жүргізген жапондық қазақ балаларының тәрбиелілігі мен ұқыптылығына әрі кез-келген қиын тапсырманы тез ұғып алатындығына разы болыпты. Ол туралы ұстаз: «Мен әлемнің бірнеше елінде болдым. Бірақ, қазақ балаларындай қағылез әрі әрқашан да үйренуге құмар ұл-қыздарды кездестірмедім. Сіздің елдегі балалардың әр іске деген жауакершілігін таң қалдырды.»,-деп таң қалысын жасырмады.
Сондай-ақ еліміздің мәдениеті мен өнеріне, ұлттық тағамымыз бен бай тарихымызға таң қалған Кейтцуки болашақта ұстазы Сигиоша сенсеймен бірге келуді жоспарлайтындығын айтты.
Түгелбай Бисенов
Зеленов ауданы