Бөрлі ауданының 80 жылдығы кеңінен аталып, біздің жерлестеріміз қазақ күресінен сынға түсіп, жеңіспен оралған болатын.
Қала шетінде қазақ күресі ұйымдастырылып, он палуан боз кілемде бақтарын сынады. Біздің жерлестеріміз ақпәтерлік ағайынды Аңсар, Ерназар Хамзиндер финалдық бәскеде кездескен еді. Аңсар інісіне жол беріп, 80 келі салмақта Ерназар бауырымыз түйе палуан атанып, «Lada Granta» автокөлігінің иесі атанды. Ал Аңсар Хамзин екінші орын алып, ақшалай сыйлықпен марапатталды.
Ағайынды Аңсар мен Ерназарға жарайсыңдар деп жеңісті күндер тілейміз!
Тұрарбек АҚМУРЗИН
Жалпақтал ауылы
