БҚО жастар ресурстық орталығы ұжымы әлеуметтік жағынан аз қамтылған отбасыларға қол ұшын беру мақсатында «Мектепке жол» акциясын өткізді.
Орталықтың маманы Ринат Махсутовтың айтуынша, жастар ұжымы қаланың шет жақтарындағы Желаев және Круглоозерное кенттік округтеріндегі әлеуметтік жағынан тұрмысы төмен 10 балаға қамқорлық танытқан. «Көңіл – шашылған нұр» деген нақыл сөз бар қазақта. Жастар ұжымы бүлдіршіндерге деген көңілін мектеп сөмкесі мен оқу құралдары арқылы білдірді. Сонымен қатар жастар ресурстық орталығы жұмыс барысындағы серіктестері - «Қазақстанның тұрғын үй құрылыс жинақ банкі» АҚ БҚО филиалы, «Орал АИС Алматы ИнжСтрой» АҚ филиалы, «БатҚазЭТК» АҚ, «Гидроприбор» ҒЗИ» АҚ арқылы балаларға спорттық киім мен аяқ-киімдерін де сыйға тартыпты.
