Сырым аудандық балалар мен жасөспірімдер спорт мектебінің жаттықтырушысы Әскер Нұрмұхановтың шәкірттері соңғы уақытта жақсы көрініп жүр.
Жуырда РФ, Орынбор облысының Соль-Илецк қаласында өткен Балаларды қорғау күніне арналған самбодан дәстүрлі бүкілресейлік турнирде Нұрсұлтан Зайзағалиев пен Талғат Кеңесов өз салмақ дәрежелері бойынша жеңімпаз атанды. Осы жарыста Әскердің тағы бір шәкірті Данияр Мырзағалиев 2 орын алды.
Ресейдегі додадан бұрын аудандық балалар мен жасөспірімдер спорт мектебінің тәрбиеленушісі Нұрсұлтан Зайзағалиев дзюдодан Астана қаласында өткен республикалық турнирде облыстардың мықты деген жас балуандарының арасынан іріктеліп, 3 орынға ілікті.
Нұрсұлтан Зайзағалиев пен Айбек Қазыбек Орал қаласында өткен дзюдо біріншілігінде де чемпион атанды.
Бауыржан Ширмединұлы
Сырым ауданы