Үстіміздегі жылдың 21-ші қыркүйегінде Зеленов аудандық ішкі істер бөлімінің кезекшісіне аудан орталығындағы колледж ғимаратын қаруланған топ шабуылдағаны туралы хабар түсті. Хабарласқан азамат қарақшылардың колледж директоры кабинетінде тұтқындарды ұстап отырғанын айтты.
Түскен хабарды тексеру мақсатында оқиға орнына ішкі істер бөлімінің арнайы жасағы жіберіліп, ақпаратты растап, оның оқу-жаттығу мақсатында орын алғандығын жеткізді. Жаттығу жұмыстарын жүргізу үшін аудандық ішкі істер бөлімі қызметкерлерінің барлығы мен 4 автортранспорт жұмылдырылды. Қажетті деген барлық шаралар қолданылды. Сондай-ақ көршілес Тасқала, Ақжайық аудандарының ішкі істер бөлімі мен әкімдік, прокуратура, жедел жәрдем, төтенше жағдайлар бөлімдері де хабарландырылды.
Полиция подполковнигі
Е. Қуанышқалиев
