Жәнібек ауданы Ақоба ауылында діни экстремизм мен терроризмге қарсы түсінік жұмысын жүргізу мақсатында құрылған аудандық ақпараттық-насихат тобының мүшелері ауыл тұрғындары және мектеп оқушыларымен кездесу өткізді. Жиын барысында ақпараттық-насихат тобының мүшелері, аудандық білім беру бөлімінің басшысы Мұрат Ғазезов пен аудандық «Шұғыла» газетінің тілшісі Нұрымбек Жапақов жат діни ағымдардан аулақ жүрудің жолдарын түсіндіріп, халқымыздың салт-дәстүрі теріс пиғылды әрекеттердің алдын алудың кепілі екендігін айқын мысалдар келтіре отырып баяндады.
Бас қосуды Ақоба ауылдық округінің әкімі Рауан Рахметуллин қорытындылап, дәстүрлі дінді насихаттаған аудандық ақпараттық-насихат тобының мүшелеріне тұрғындар атынан ризашылығын жеткізді.
Н.Өтей
