Жаңақала аудан әкімінің әлеуметтік істер жөніндегі орынбасары болып Шүкірғалиева Айзада Бекетқызы тағайындалды.
Шүкірғалиева Айзада Бекетқызы 1976 жылы 19 сәуір күні Жаңақала ауданы, Жаңақала ауылында дүниеге келген.
Ұлты – қазақ. Білімі жоғары.
1999 жылы Батыс Қазақстан аграрлық университетін, 2014 жылы Батыс Қазақстан инженерлік-гуманитарлық университетін бітірген.
Мамандығы бухгалтер-экономист, құқық бакалавры.
Алғашқы еңбек жолын 1999 жылы Жаңақала ауданы әкімі аппаратында қабылдау бөлмесінің инспекторы болып бастаған.
2001-2003 жылдары Жаңақала аудандық еңбек және халықты әлеуметтік қорғау бөлімінде жетекші маман және бас маман болып қызмет істеген.
2003-2010 жылдары аралығында Жаңақала аудандық мәслихатының тексеру комиссиясы төрайымы, 2010-2011 жылдары Батыс Қазақстан облысы мәслихатының тексеру комиссиясы аппаратының бас маманы, 2012 жылы қаңтар айында Батыс Қазақстан облысы бойынша қаржылық бақылау инспекциясының №3 бақылау бөлімінің бастығы, кейін 2013 жылы есеп, талдау және сапа бақылау бөлімінің басшысы, 2013-2014 жылдары Батыс Қазақстан облысының экономика және бюджеттік жоспарлау басқармасының бас маманы болып қызмет жасаған.
2014-2015 жылдары Батыс Қазақстан облысының экономика және бюджеттік жоспарлау басқармасының бөлім басшысы болған.
2015 жылдың қараша айынан бастап Жаңақала аудан әкімінің орынбасары.