Шыңғырлау ауданында орталық аурухананың күндізгі емдеу бөлімі әрдайым емделушілер алғысына бөленіп келеді. Дәрігері білікті, мейіргерлері тәжірибелі емдеу орнының сырқаттардың жан дауасын тауып, ем-шарасын мүлтіксіз орындауы нәтижелі.
Бөлім меңгерушісі Кәмшат Мұхамбетәлиева жыл басынан бері 727 адамның емдеу шараларын алғанын айтады. Бұл дегеніңіз ай сайын орта есеппен 120-140 сырқат тұрақты ем алып отыр деген сөз.
-Әр сырқаттың өз диагнозы бар, ауыр-жеңіл дәрісі, дәрмегі, байлап- таңуы деген сияқты шаралары бар, мінездері де әртүрлі. Соның бәрін реттеп, сырқаттың тілін тауып, мұқият емін жүргізу аса жауапты және ауырпалықты жұмыс. Біздің мейірбикелеріміз осы жұмыстарын тиянақтылықпен, жауапкершілікпен атқаруда,- дейді бөлім меңгерушісі Кәмшат Мұхамбетәлиева.
Күндізгі емдеу бөлімінде 1 дәрігер, 2 мейірбике және бір компьютер маманы халыққа қызмет көрсетуде.
Қаршыға ЕЛЕМЕСОВ
Шыңғырлау ауданы