Бүгінгі бала – ертеңгі елдің болашағы. Әрбір бала өзіне қажетті білім алуға құқылы. Балалардың қажетті білім алуына материалдық қажеттіліктердің жетіспеушілігін болдырмау мақсатында республикамызда «Мектепке жол» акциясы 1 тамыз бен 30 қыркүйек аралығында жыл сайын өткізіліп келеді. «Балаларға бірге көмек берейік» ұранымен жалғасын тапқан биылғы акцияға Жәңгір хан атындағы жалпы білім беретін орта мектебінде арнайы шаралар ұйымдастырылды. Нәтижесінде акция бойына 35 балаға 171 мың теңге көлемінде көмек көрсетілді.
