Бүгін «Нұр Отан» партиясы Зеленов аудандық филиалы аудандық ардагерлер кеңесі және «Калинушка», «Шатлық» этно-мәдени бірлестіктерімен өзара ынтымақтастық меморандумына қол қойды.
Мемлекеттік саясат және аймақтық этносаясаттың тиімді жүзеге асуына мүдделестік танытқан меморандумға қол қою ауданда жұмыстанатын қоғамдық ұйымдар арасында жалғасын таппақ.
- Ынтымақтастық меморандумына қол қою игі бастама. Ауданда этностық өзара байланысымызды нығайтып, мәдениеттерді, тілдер мен этностық дәстүрлерді одан әрі жетілдіру, тұрғындардың саяси-құқықтық, әлеуметтік мәдениетін дамытуда да бұл келісімнің маңызы зор. Алдағы уақытта бастама өзгелерге үлгі болып, өзге де қоғамдық ұйымдармен келісімге отырмақпыз, - деген «Нұр Отан» партиясы аудандық филилалы төрағасының бірінші орынбасары А.Сигунов қатысушыларды меморандумда белгіленген мақсаттармен жіті таныстырып өтті.
Айтылған талап-тілектердің аяқсыз қалмайтындығын тілге тиек еткен филиал төрағасы К.Жақыпов қоғамдық ұйым өкілдерінің келер уақытта да бірлесіп табысты жұмыстанатындықтарына сенім білдірді.
ДИНАРА НАСЫРОВА
ЗЕЛЕНОВ АУДАНЫ