1 желтоқсан – Қазақстан Республикасының тұңғыш Президенті күніне орай Қаратөбе аудандық дене шынықтыру-сауықтыру кешенінде өткен мекемеаралық теннис жарысы мәреге жетті.
Спорттық шараға аудан орталығындағы мекемелерден 6 команда қатысып, өзара бақ сынасты.
«Қаратөбе» спорт клубының ұйымдастыруымен өткен жарыста Қаратөбе мектеп-гимназиясы командасы жеңімпаз атанды.
Жүлделі ІІ, ІІІ орындарды аудандық ішкі істер бөлімі командасы мен Мұхит атындағы ЖОББМ командасы өзара бөлісті.
Жеңімпаз-жүлдегерлерге диплом мен сыйлықтарды «Қаратөбе» спорт клубының директоры Жасұлан Ниязов табыстады.
Ертай БИМҰХАНОВ
Қаратөбе ауданы
