18.05.2016, 12:45
Оқылды: 18

"Музейдегі түн" акциясы шеңберінде "Мəңгілік елге саяхат" атты мерекелік салтанатты шарасы өтті

Muzeiler kyni tokjanov   Бүгін облыстық қазақ драма театрында Халықаралық музей күніне орай "Ашық есік күні" жəне "Музейдегі түн" акциясы шеңберінде "Мəңгілік елге саяхат" атты мерекелік салтанатты шарасы өтті.


   Театр фойесінде музей тарихынан сыр шертетін көрмелер ұйымдастырылды. Салтанатты шараға облыс əкімінің орынбасары М.Тоқжанов, мəдениет жəне музей саласының қызметкерлері мен ардагерлері қатысты. Өңір басшысының орынбасары М.Тоқжанов пен облыстық мəдениет, мұрағат жəне құжаттама басқармасының басшысы Д. Құсайынов сала қызметкерлерін кəсіби мерекелерімен құттықтап, бір топ сала қызметкерлерін алғыс хаттармен марапаттады.

    "Ашық есік күні" бүгін күндізгі сағат 10.00-ден түнгі 02.00-ге дейін түрлі танымдық шаралармен жалғасын таппақ. Қала тұрғындары мен қонақтары күні бойы облыстық өлкетану музейінен  "Ғасырлар мұрасы" қолөнер шеберлері жəрмеңкесін, квест ойынын, ХІХ-ХХ ғасырлардағы самауырындар көрмесін, Қаратөбе аудандық балалар шығармашылығы орталығының "Жауқазын" жобасын, музей залдарындағы шеберлік кластарын, Домбыра-party, спорттық ойындарды тамашалай алады. Сондай-ақ "Тарихтың сырлы əлемі" Алтын ханшайым, Жəңгір хан мен Фатима ханым, Махамбет бейнелеріндегі театрландырылған көріністерге, музей қызметкерлерінің дайындаған ойын-сауық бағдарламаларына куə бола алады.

www.zhaikpress.kz

Лəззат Шағатай

Узнайте первым о важных новостях Западного Казахстана на нашей странице
в Instagram и нашем Telegram - канале