Кешелі бері Орал шаһарында қайталанбас тума талант, дарабоз өнер иесі Мұхит Мерәліұлының асқақ әндері шырқалу үстінде.
Кім білер, кімдер білмес, мейірім қанар,
Рухым сөнген менің қайта жанар.
Еңіреп Мұхит бабам өтіпті-ау деп,
Кейінгі ұрпақтарым есіне алар, - деп бабамыздың өзі жырлап өткендей, бүгінгі өскелең ұрпақтың баба аманатын арқалап, оның әндерін шырқауы ел мерейін өсірері сөзсіз.
Ғ.Құрманғалиев атындағы облыстық филармонияның кіші залында сәлден соң "Сары дала сағынышы - сал Мұхит" атты республикалық дәстүрлі әншілер байқауының ІІ кезеңі басталмақ.
Айта кету керек, байқаудың бұл кезеңіне 20 үміткер ғана жолдама алды.
Ертай БИМҰХАНОВ
"Жайық Пресс"
Суреттерді түсірген
Райымбек Абаев
