Батыс Қазақстан облысына жұмыс сапарымен келген «Нұр Отан» партиясы төрағасының бірінші орынбасары Мұхтар Құл-Мұхаммед өңір басшысы Алтай Көлгіновтің бастауымен маңызды мемлекеттік бағдарламалардың жүзеге асу жайымен танысты.
Соның ішінде мемлекеттен қолдау-көмек алған екі шаруа қожалығында және жиһаз фабрикасында болып, еңбек ұжымының тыныс-тірлігімен танысты.
Партия төрағасының бірінші орынбасары Махамбет ауылдық округіндегі «Шканов» шаруа қожалығында болды. Бекболат Шканов жетекшілік ететін шаруашылықта 100 қара ала тұқымды ірі қара мал өсірілуде. Сүтті бағыттағы асыл тұқымды малға биыл субсидия берілген. Малдың қоңы жақсы. Шаруашылықтың тынысы бірқалыпты.
