Cоңғы жылдары тұщы су көздері азайып, әлем жұртшылығы ауызсуға деген сұранысы артуда. Оның шет жағасын бөкейліктер де сезінуде.
Нарын құмының етегінен орын тепкен шағын ауыл Үштеректе де құдық суы ашып барады. Басшылар уақытылы көңіл бөлді ме, әйтеуір «Жайықгидрология» ЖШС-іне (басшысы Бисен Дауымов) мамандар келіп сол маннан тұщы су көзін кездестіруде. Тапқан да сияқты. «Қызылағаш» елді мекенінде бұрғылау жұмыстарын жүргізіп жатқан жігіттерді кездестіріп, әңгімеге тарттық.
– «Үштеректің» өзінің төңірегінде су ащы, «қоңырбайда» болғанымен қоры аз. «Қызыл ағашта» аралары 500 метрден 2 шақырымға жуықтайтын 25 метр тереңдікке дейін бойлайтын 8 бұрғы салдық. 13 метрден су шықты. Тұщы. Қорыда тым-тәуір. Әлі де зерттеледі ғой, - деп жағдаймен таныстыруда бұрғылау шебері Асылбек Иманғалиев.
К.Ғайсин
