Қазақстан Республикасы Президентінің «Орталық атқарушы органдар басшыларының, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы» 2016 жылғы 5 ақпандағы №190 Жарлығын іске асыру мақсатында облыс әкімі Н.А.Ноғаев 2016 жылдың 24 ақпанында сағат 11.00-де жұртшылық өкілдерімен есеп беру кездесуін өткізеді.
Кездесу «Теннис орталығы» ғимаратында өтеді. Мекен-жайы: Орал қаласы Астана шағын ауданы, «Құрылыс 17».
Облыс тұрғындары облыс әкімінің есебі бойынша өздерінің ұсыныстарын, ескертпелері мен үнқосуларын Орал қаласы мен аудандарда орнатылған арнайы жәшіктерге салуларына болады. Сондай-ақ, ұсыныстарды [email protected] электронды поштасы және облыстық «Орал өңірі» мен «Приуралье» газеттерінің редакцияларына жолдауға болады.
Ұсыныстар мен ескертпелерді жолдағанда жіберушінің аты-жөні, тұратын мекен-жайы мен байланыс телефоны көрсетілуі керек.
Облыс әкімі аппаратының
ұйымдастыру-инспекторлық жұмыстары бөлімі