Орал қаласында 19- сәуірде ХVІІ «Абай мен Шәкәрім оқулары» байқауы өтті. Дәстүрлі оздырылып жүрген байқау талаптары қатысушының тілдік қарым-қабілетін, ана тілін терең меңгеруі деңгейін таразыға салады. Әділқазы алқасы да өңірге белгілі тіл мамандары, ақын-жазушылар мен әнші-сазгерлерден құралып, поэззия, шығармашылық және вокал жанрындағы кезеңдер қатаң іріктеуден өтеді.
Осы тіл сайысының биылғы облыстық кезеңіне ауданымыздан аттанған оқушылар арасында Л.Қылышев атындағы ОЖББМ-нің 9 «а» сыныбының оқушысы Гүлжазира Асуова өз шығармашылығы бойынша осы байқаудың Семей қаласында өтетін республикалық кезеңіне жолдамасын жеңіп алды. Байқаудың шарттарына сәйкес өз қаламынан туған «Абай дана- қазақта», «Шәкәрімге арнау» және «Тәуелсіздік» өлеңдерімен озық түскен Гүлжазира байқаудың «Жүйріктен жүйрік озар жарысқанда» номинациясы бойынша дипломмен марапатталды.
Қаршыға Елемесов
Шыңғырлау ауданы