Шыңғырлау аудандық мәдени-демалыс саябағында биылғы мектеп бітірушілерге араналған салтанатты шара өткізілді.
Кешке ата - аналар, ұзтаздар, ауыл тұрғындары көп жиналды. Алғашқы кезекте аудан әкімдігінің аппарат басшысы Ержан Тұрмағанбетов сөз сөйлеп, түлектерге сәт сапар тіледі. "Алтын белгі" иегерлері Айнұр Есеноваға, Анара Байлепесоваға , Алишер Сағидоллаға, Арина Нұрымоваға ноудбук пен облыс әкім атынан Абайдың "Қара сөздері" жинағы табысталды.
"Ерекше аттестат " иегерлері Ақылбек Қадырбеков пен Диас Тайкенов алғыс хат пен планшет иеленді. Кеште әсем ән шырқалып, сәнді би биленді. Ұстаздар марапатталып, ата - аналар алғыс легін ақтарды. Көңілді шара көпшілікке жақсы әсер сыйлады.
Мектеп түлектері саябақтың көрікті жерлерінде суретке түсті.
А.Шотпанов