Теректі АІІб Ақжайық полиция бөлімінің қызметкерлері тұрғындардың сеніміне қиянат келтіріп, ақшаларын жымқырып кеткен тағы бір күдіктіні қолға түсірді.
Теректі ауданы ауылдарының бірінде белгісіз біреу 2014 жылдан бастап табиғи газ қолдану тарифының өсуін пайда көріп, тұрғындардың коммуналдық қызметке деп төлеген ақшасын артығымен алып отырған. Жас жігіттің сұраған ақшасын тауып беріп отырған ауылдың үлкендері бірде аудан орталығына барып, сұрастырған сәтте айырмашылықтың барын байқайды. Қолданылған шаралар барысында 1979 ж.т. азамат анықталып, ұсталды. Барлық істеген ісін мойнына алды. Қазіргі уақытта аталған күдіктіге қатысты ҚР ҚК-нің 187-бабы 1-бөлімі бойынша (Ұсақ-түйек жымқыру) қылмыстық іс қозғалуда.
