Айтулы мерекені құр жібермейтін аудандық сот қызметкерлері Астана күні қарсаңында өз ойларымен бөлісу үшін дөңгелек үстел басына жиналып, Астана күніне орай ұйымдастырылған семинар-кеңеске қатысты.
Кеңесті ашқан аудандық соттың судьясы Н.Самарханова жиналғандарды айтулы мерекемен құттықтап, бұл барша қазақстандықтардың бірлігі, сондай-ақ Қазақстан Республикасы жетістіктерінің символы екенін атап өтті.
- Елордамыздың жыл санап емес, күн санап көркейіп келе жатқаны баршаңызға аян. Астананың әлеуетті мүмкіндіктері Бүкіләлемдік EXPO-2017 көрмесінде паш етілетін болады-деді өз сөзінде Н.Самарханова.
Шара барысында мамандар өз пікірлерімен бөлісіп, жиын соңында «Менің елім» әнін қосыла шырқады.
М.Жакупов
Тасқала ауданы
