Орал қаласындағы облыстық қазақ драма театрында Орал өңіріндегі балалар туризмінің 55 жылдығына арналған «Хрустальді шоқыр – 2016» жүлдесінің V облыстық байқауының қорытынды марапаттау шарасы өтті.
Бұл шарада Сырым ауданының әкімі Абат Шыныбеков «Балалар туризмін дамытудағы жергілікті атқарушы органдар рөлі» аталымы бойынша «Хрустальді шоқыр – 2016» сыйлығын алды. Осындай сыйлық туристік – өлкетану және экологиялық қызметті бұқаралық ақпарат құралдарында үздік насихаттаған «Сырым елі» қоғамдық – саяси газетінің тілшісі Бауыржан Ширмединұлына да табыс етілді.
Туристік - өлкетану қызметін үздік ұйымдастырған мектепке дейінгі ұйым ретінде аудандық «Балдырған» балабақшасы және Сырым аудандық жас туристер станциясының туризм бөлімінің меңгерушісі Жасқанат Есламғалиев туристік – өлкетану және экологиялық жорықтар мен экспедицияларды ұйымдастырғаны үшін марапатталды.
Бауыржан Ширмединұлы
Сырым ауданы