Ақжайық ауданының орталығы-Чапаевта Мұғалім күні қарсаңында үздік ұстаздар құрметіне «Құрмет тақтасы» ашылды.
Білім бөлімі ғимаратының алаңында орнатылған «Құрмет тақтасында» айталық, Будариннен орта мектеп-балабақша директорының орынбасары Нәбия Ақмышева, Тайпақтағы Құрман Байсықов атындағы орта мектептің география пәні мұғалімі Майра Базарбаева, Чапаевтағы Абай атындағы мектеп -гимназиясының директоры Светлана Оразова, Базаршоландағы Ғабдолла Махамбетов атындағы орта мектептің химия пәні мұғалімі Ораз Қалыбаев, Чапаев №1 орта мектебінің тарих пәні мұғалімі Айнұр Набиденова және басқа, барлығы он мұғалімнің фотосуреттерімен қоса еңбектегі жетістіктері жазылған.
«Құрмет тақтасын» аудан әкімі Әділ Жоламанов пен ардагер-ұстаз Күнсұлу Таспаева ашты.
Мұғалім күніне арналып«Мәңгілік елдің ұстазы» атты салтанат пен мерекелік концерт өтті.
Бек Сүйініш
Ақжайық ауданы
