Ақжайық ауданының Базартөбе ауылдық округіндегі «Жыра» қыстағының иесі Қайырбек Сәлімов осы мекеніне 1 километр 200 метр жерден газ құбырын тарттырды. Бұл аталған ауылдық округте газдандырылған тұңғыш қыстақ болып табылады.
«Алмас» шаруа қожалығының жетекшісі Қ.Сәлімов биыл салып бітірген, заманға сай жаңа тұрғын үйінде сөйтіп, сәнді тұрмыстың игілігін еселеді. 9 тоннадай тасымал су құйылған құдықтан баспанаға мотормен су келіп тұрады.
Бекем БЕКҰЛЫ
Ақжайық ауданы