29 қыркүйек күні Қазталов ауданы әкімі Нұрлан Бекқайырдың төрағалық етуімен аудан әкімдігінің кезекті мәжілісі өтті.
- Мәжілісте ауданның әлеуметтік кешендерінің қысқы маусымға әзірлігі жөнінде – аудандық автомобиль жолдары, тұрғын үй құрылысы бөлімінің бас маманы Салауат Байдуллин хабарлама жасады. Бұл мәселе бойынша аудандық білім бөлімінің басшысы Ерболат Бекмулдин, аудандық мәдениет, тілдерді дамыту және дене шынықтыру бөлімінің басшысы Досжан Ахметов, аудандық орталық аурухананың директоры Қайырбай Алтаев, Жалпақтал аудандық ауруханасы директорының шаруашылық жөніндегі орынбасары Сәлім Қалиев өздерінің салалары бойынша қысқы маусымға әзірліктер жөнінде баяндады.
Сондай-ақ мәжілісте аудан әкімінің орынбасары Зәйлім Мәжитова,-ауданда қайырымдылық айлығын ұйымшылдықпен өткізу туралы,- хабарлап өтті.
Аудан әкімдігінің мәжілісі қаралған мәселелер бойынша тиісті қаулылар қабылдады.
Әсем БОЛАТ
Қазталов ауданы
