Бүгінгі таңда Бөкей ордасы ауданы бойынша ресми қамқорлыққа алынған 18 жасқа дейінгі 16 бала бар екен. Солардың 8-і жетім болса, өзгелері түрлі себептермен ата-анасының қамқорлығынсыз қалғандар. Сондай-ақ, анасы дүниеге жаңа келген нәрестесін перзентханада қалдырып, тастап кеткен. Енді сол баланы бір отбасы өз баласындай бауырына басуға дайын. Бұл процесс Орал қаласындағы ауданаралық сот шешімі негізінде жүзеге асырылуда. Былтыр да, биыл да осындай ізгі ниет еткен екі отбасы сәбилі болыпты.
