Маусым айының 4-і күні «Қаратөбе» спорт клубының ұйымдастыруымен Қазақстан Республикасы Тәуелсіздігінің 25 жылдығы аясында ҚР мемлекеттік рәміздері күніне арналған шахмат және дойбы ойындарынан жарыс өтті.
Сайыс қорытындысына сай шахматтан Демегенұлы Дастан І жүлделі орынды жеңіп алса, ІІ-ІІІ орындар Еркінұлы Шерхан мен Ерболат Ержанға бұйырды. Жақсы ойын өрнегін көрсеткен Айбек Мақсотов «Жеңіске деген жігері үшін» аталымымен марапатталды.
Ал дойбыдан ойыншылар арасынан топ жарған Айбек Мақсотов І орынды иеленіп жеңімпаз атанса, ІІ-ІІІ орындарды Ахметші Нару мен Хамидолла Ермұрат еншіледі.
Жарыс жеңімпаздары дипломдармен марапатталды.
ҚАРАТӨБЕ АУДАНЫ
Ерболат РАЙСОВ