Бүгін Қаратөбе ауданында 1 мамыр – Қазақстан халқы бірлігі күні мерекесіне орай ұйымдастырылған велошеруге аудан әкімі Асхат Шахаров, мекеме басшылары, Қаратөбе колледж студенттері, оқушылар қатысып, аудан көшелері бойымен ҚР-ның мемлекеттік Туын салтантты түрде алып өтті.
Велошерудің мақсаты қазақстандық патриотизмді қалыптастыру, достық пен татулықты нығайта түсу, салауатты өмір салтын қалыптастыру мақсат-міндеттерін көздеді.
- Велошеруге қатысу мен үшін үлкен мәртебе. Мен айтулы мереке қарсаңында еліміздің көк байрағын биікке көтеріп, аудан орталығы көшелерімен жүріп өттім.
Кең байтақ Отанымыздың бүгінгі тыныс-тіршілігі, ұлттар мен ұлыстар арасындағы достық қарым-қатынас мені де қуанатады. Ел абыройы асқақтап, даңқы арта берсін! - дейді велошеруге қатысушы Бөгембай Қайыпқалиев.
Ертай БИМҰХАНОВ
Қаратөбе ауданы
