Жаңақала аудандық «Нұр Отан» ХДП-ның мәжіліс залында №6 Қисық-Қамыс округінің депутаты Оразгүл Көбесова Жүсіпбекқызы азаматтарды қабылдады. Қоғамдық қабылдауға келгендер денсаулық сақтау саласында сауалдар қойды.
Қоғамдық қабылдауға келген Жаңақала ауылдық округінің тұрғыны Айкүміс Өтепқалиқызы: «2003 жылы туылған қызым Айару Саматоваға денсаулық жағдайына байланысты «Шипажайда» ем алуға қол ұшын беруіңізді сұраймын» десе, келесі азаматша Гүлшат Бақтығұлова өз денсаулығы жөнінде ақыл-кеңес алумен шектелді.
Аталған өтініштер бойынша депутат Оразгүл Көбесова алдағы уақытта жұмыстанып, мәселенің шешілуіне атсалысатынын айтты.
Алтынбек Ермекқалиев
Жаңақала ауданы
