Қайырымдылық айлығына орай «Қызыл-ай» қоғамдық ұйымының төрайымы Салтанат Дүйсенғалиева көп балалы, аз қамтылған отбасыларға және педагогикалық-психологиялық түзеу кабинетінің оқушыларына сый-сияпаттарын тарту етті.
Әлеуметтік педагог Альбина Рысқалиева, ерте жастан дефектолог Элеонора Жәрдемәлиева бұл берілген мектеп үлгісі киімдерін 15 балаға үлестіріп берді. Қайырымдылық айлығына арналған кездесуде педагогикалық-психологиялық кабинетінің тәрбиеленушісі Қарақаттың анасы Гүлдәрия Жүсіпова осындай көмек қолын созып жатырған «Қызыл-ай» қоғамдық бірлестігінің төрайымы Салтанат Дүйсенғалиеваға ризашылығын жеткізді.
Бірлестік төрайымы балаларды қайырымдылық жасауға, бір-біріне мейірімді болуға, қомқорлық көрсете отырып, болашақтарының жарқын болуын тіледі. Барлық балалар арнайы жайылған дастарханнан дәм татты.
Жұлдыз АСҚАР