Жаңақала ауданында Ұлы Жеңістің 71 жылдығына орай аудандық мәдениет, тілдерді дамыту, дене шынықтыру және спорт бөлімінің ұйымдастыруымен "Жаңақала-Қызылоба-Жаңақала" велошеруі өтті.
Велошеруге оқушылар, ауыл жастары, Жаңақала мектеп-гимназиясының және Жаңақала колледжінің ұстаздары мен қызметкерлері қатысты.
Шерушілер аудан орталығындағы мәңгілік алаудан тұтатқан алауды Қызылоба ауылдық округіне жеткізіп, сол елді мекендегі мәңгілік алауды жақты.
Сондай-ақ ҰОС ардагерлеріне арналған стеллаға және ауданымыздағы төрт Кеңес Одағының Батырының бірі Есен Шегірейұлы Орақбаевтың ескерткішіне гүл шоқтарын қойды.
Н.ЕСЕТОВА
Жаңақала ауданы